В.Г.

LIGA ŠAMPIONA

Barselona silovita, PSŽ slavio u derbiju, golman donio bod Laciju

Kompletirano je prvo kolo Lige šampiona u grupama E, F, G i H, a pobjede su upisali Barselona, Porto, Pari Sen Žermen i Fejnord, dok su Lacio i Ateletiko Madrid remizirali 1:1.

Barselona je slavila na svom terenu protiv Antverpena 5:0, a pitanje pobjednika bilo je riješeno u prvom poluvremenu. Prvi gol postigao je Žoao Feliks u 11. minutu.

Potom je pogodio Levandovski u 19. minutu, a u 22. je bilo 3:0 poslije autogola Bataija. U nastavku na 4:0 povisio je Gavi u 54. minutu. Dok je Feliks sjajnu partiju krunisao u 68. minutu drugim golom za 5:0.

U drugom susretu ove grupe Porto je savladao Šahtjor u Hamburgu sa 3:1

Svi golovi postignuti su u prvom poluvremenu. Galeno je doveo u vođstvo goste u osmom minutu, ali samo pet minuta izjednačio je Kelsi. Porto je u 15. minutu stigao do novog vođstva drugim golom Galena.Taremi je postavio konačan rezultat u 29. minutu.

U drugom susretu Grupe F, Pari Sen Žermen je savladao Borusiju Dortmund u derbiju kola sa 2:0.  Šampion Francuske je do pobjede doša golovima Kilijana Embapea sa penala u 49. i Hakimija u 58. minutu.

Prvi meč ove grupe između Milana i Njukasla završen je neriješeno 1:1.

U grupi E u Rimu bodove su podijelili Lacio i Atletiko Madrid 1:1. Gosti su vodili od 29. minuta golom Bariosa sve do samog finiša utakmice kada je golman Ivan Provedel donio bod "lacijalima".

Drugi meč ove grupe između Fejnorda i Seltika završen je pobjedom holnadskog tima 2:0.

Vodeći gol za domaćina u Roterdamu postigao je Strengs u drugom minutu nadoknade prvog poluvremena. Seltik je od 64. minuta igrao sa igračem manje, pošto je isključen Lagerbilke. To je ujedno bio faul za penal, ali nije ga iskoristio Igor Paićao, pošto mu je šut odbranio Hart.

Gosti su u 68. minutu ostali bez još jednog igrača zbog direktnog crvenog kartona Holma. Fejenord je postigao gol u 71. minutu, ali na intervenciju VAR nije priznat zbog ofsajda Gertude. Ipak, pet minuta kasnije bilo je 2:0, golom Jakanbaša.