S.V.

Arsenal siguran protiv Palasa, povreda Sake

Arsenal je drugi put u četiri dana savladao Kristal Palas i vratio se na 3. mjesto - za razliku od meča u liga kupu u srijedu, danas nije bilo neizvjesnosti 5:1.

Ipak, i pored ubjedljive pobjede Mikel Arteta ima razloga za brigu, jer se povrijedio Bukajo Saka. On je igru napustio sredinom prvog dijela, kada se požalio na bol u zadnjoj loži i zatražio izmjenu.

Gabrijel Žezus je u srijedu dao het-trik, a večeras je otvorio kanonadu u mreži gostiju, i to već u 6. minutu.

Izjednačio je Sar pet minuta kasnije, potom je domaćin imao dvije dobre šanse i stao.

Do kraja se pitao samo Arsenal. Do odmora su Žezus drugim golom, te Haverc odveli "tobdžije" na sigurnih 3:1.

U nastavku se mreža domaćih tresla još dva puta. Za 4:1 gol je dao Martineli , dok je "petardu" kompletirao Rajs.