S.V.

Nove čarolije Argentinca: Mesi se poigravao sa Montrealom

Inter Majami se vratio obavezama u MLS ligi, a protekle noći nije imap problema sa Montrealom u gostima 4:1. Po ko zna koji put klasu je pokazao Lionel Mesi.

Argentinac je dva puta pogodio mrežu kanadske ekipe.

Već u drugom minutu Montreal je poveo golom Prins Osei-Ovusua.

Ipak, Mesi je do odlaska na veliki odmor prvo spojio sa golom Alijendea, a onda donio preokret.

Na isteku sat vremena Inter je golom Segovije povisio na 3:1. Tačku je stavio Mesi nakon što je u svom stilu nanizao nekoliko domaćih igrača.

Njemu je to bio 12. gol u sezoni na 14 odigranih utakmica. Inter je zadržao šesto mjesto u Istočnoj konferenciji MLS-a sa deset bodova manje od prvog Sinsijatija.