S.V.

Pelegrini čovjek odluke: Roma savladala Lacio

Fudbaleri Rome savladali su Lacio 1:0 u gradskom derbiju.

Nije bilo puno šansi, presudio je momenat inspiracije Lorenca Pelegrinija.

Roma je imala više od igre, ali je Lacio imao konkretnije šanse u prvih pola sata igre. Zakanji je u 29. minutu probaši šut, ali je Svilar sjajno reagovao. Samo 60 sekundi kasnije je i Romanjoli glavom pokušao, ali preko gola.

Kazna je stigla u 38. minutu. Sule je odlično uposlio Pelegrinija koji je šutirao van domašaja Provedela .

U nastavku, Lacio je najbliži izjednačenju bio preko Dije i Kasteljanosa, ostalo je 1:0.

Lacio je meč završio sa desetoricom, jer je u 86. minutu isključen Belahajn. Naš Adam Marušić je bio svih 90 minuta na terenu.

Roma zauzima četvrto mjesto sa devet bodova, dok je Lacio 14. sa tri boda.

Naredni meč Roma igra na svom terenu protiv Verone, a Lacio gostuje Đenovi.