N.R.

EVROLIGA

Real rutniski protiv Albe, Makabi poražen u Milanu

Košarkaši Reala vratili su se na pobjednički kolosjek u Evroligi, nakon poraza od Efesa u prethodnoj rundi večeras su bili bolji od Albe 98:84 u meču 11. kola.

Ksavijer Ratan-Mejs je još jednom bio sjajan u dresu tima iz Madrida. Kanađanin je bio najefikasniji sa 16 poena i po dva skoka i asistencije.

Serž Ibaka je dodao 15, Džanan Musa 13, Fakundo Kampaco je ostvario "dabl-dabl" sa 12 poena i 10 asistencija.

Alba je u jednom trenutku imala prednost od 12 poena, ali je drugo poluvrijeme u potpunosti pripalo Realu koji je na startu posljednjeg perioda imao i maksimalnih +18 i tada već riješio pitanje pobjednika.

Realu je ovo peta pobjeda u sezoni, Alba je zakucana za dno sa svega dvije pobjede koliko ima i Virtus.

Košarkaši Olimpije upisali su u Milanu petu pobjedu u sezoni savladavši Makabi 98:86.

Neizvesjno je bilo u prvih deset minuta, gosti su nakon prve četvrtine imali dva poena prednosti.

Ipak, Olimpija je meč prelomila, ispostavilo se, u drugoj dionici koju je dobila rezultatom 30:21 nakon čega je rutniski sačuvala prednost i došla do trijumfa.